La Posta Svizra edescha la marca postala per las festivitads dal 600avel anniversari da frà Clau ch’ha abità sco eremit a Flühli Ranft en il chantun Sursilvania.
Sco quai che l'uniun purtadra dal giubileum communitgescha, haja la marca speziala ina valita d'in franc. Il graficher da la Sursilvania Markus Bucher ha creà la marca che po vegnir cumprada a partir dal mars.
Pur, eremit, sontg
Frà Clau ha vivì dal 1417 fin il 1487. Il pur tutgava temporarmain a l’elita dal chantun Sursilvania. Ensemen cun sia dunna Dorothea Wyss ha el gì diesch uffants. En la vegliadetgna da 50 onns ha el renunzià a sia vita da fin ussa, bandunà sia famiglia ed è daventà eremit datiers da Sachseln.
Clau da Flia vala sco mediatur. L'onn 1649 ha la Baselgia catolica beatifitgà ed il 1947 declerà sontg el.
RR novitads 12:00
