Fin il 21 tschientaner vegnia quai mo pli a dar la mesadad da las 6’500 differentas linguas ch’i dat il mument sin il mund. In motiv per quest svilup, pudessia la globalisaziun esser, vegnia ditg en il film da Meike Srowig. Autras linguas mundialas èn fitg impurtantas ozendi, sco per exempel englais, tudestg ni schizunt chinais. Dialects n’èn betg pli uschè attractivs e na vegnan perquai betg pli dads vinavant a las proximas generaziuns.
Rumantsch è ina da las periclitadas
L’autura Meike Srowig presenta duas linguas periclitadas: il Rumantsch ed il Saterfris. Fertant che 60’000 persunas discurran anc rumantsch ozendi, san be pli 2’000 persunas discurrer il Saterfris. Oravant tut a Saterland, ina vischnanca en il nordvest da la Germania, datiers da Bremen. Perquai è il Saterfris la pli pitschna insla linguistica.