Siglir tar il cuntegn
Inhalt

Svizra La muntogna influenzeschan l’image da la Svizra

Las regiuns da muntogna pertutgadas da la midada dal clima, las victorias da Roger Federer, la plazza da finanzas e las diversas votaziuns dal pievel. Quai èn ils temas ch'influenzeschan il pli fitg il maletg da la Svizra en l'exteriur.

Il Piz Cengalo.
Legenda: Las medias da l'exteriur han surtut rapportà davart la crudada da crappa al Piz Cengalo. Keystone

A questa conclusiun vegn ina valitaziun dal nov «Nation Brands Index» ch'è vegnì publitgà oz. Il maletg tradiziunal da la Svizra è collià vinvant cun muntognas. La bova da Bondo, la sbuvada dal glatscher Trift en il Vallais sco er il chat da baras conservadas en il glatsch, medemamain en il Vallais han influenza sin la percepziun.

Tuts discurran da Federer

En las medias da l’exteriur han però er auters temas adina puspè survegnì attenziun. Latiers tutgan surtut las differentas victorias da Roger Federer – surtut sia victoria da record a Wimbledon.

En connex cun votaziuns dal pievel, tranter auter davart la refurma per la taglia sin interpresas III u er la strategia d’energia 2050 vegni er adina puspè rapportà davart il sistem politic e la democrazia directa en Svizra.

RR novitads 15:00