Siglir tar il cuntegn

Header

Navigaziun

In chavriel mort sper via.
Legenda: La raschun per accidents cun selvaschina è surtut, ch’il traffic interrumpa las rutas da viadi dals animals. Keystone
cuntegn

Svizra La mort spetga sin via: 20’000 accidents cun selvaschina ad onn

La raschun per quests accidents sin via e sin binaris è surtut, ch’il traffic interrumpa las rutas da viadi da la selvaschina. Perquai lantscha l'organisaziun per la protecziun da la natira Pro Natura ina campagna per corridors da ruaus per tschiervs, chavriels e tais.

La Pro Natura pretenda via libra per ils animals selvadis. Mo sch’els sappian viandar, possian els surviver, scriva la Pro Natura.

Animals sco il tschierv u il chavriel circuleschan durant l’onn en in territori vast tranter lur plaz da pavlar, da durmir e da ruassar. Uschia èsi er garantì, che la populaziun en in territori na vegn betg memia pitschna e resta geneticamain sauna.

En Svizra sajan dentant quests corridors da selvaschina interruts per gronda part, scriva la Pro Natura vinavant. Da 304 rutas interregiunals sajan engrevgiadas u schizunt interruttas ¾ da vias, autostradas, lingias da tren u abitadis.

Quai haja per consequenza ch’i dettia passa 20’000 accidents cun animals selvadis. Tenor la Pro Natura custassan quels accidents radund 40 fin 50 milliuns francs ad onn.

RR novitads 11:30