La minibar svanescha ord ils trens

A partir dal 2017 svaneschan pass per pass ils charrets da minibar ord ils trens da la viafier federala. Il motiv è il sa cumportar dals viagiaturs ch’è sa mida ils ultims onns.

In um cun ina minibar en in tren.

Legenda da maletgs: Las minibars n'èn betg pli dumandadas en ils trens da la Viafier federala. Keystone

Sco la Viafier federala scriva è il motiv ch'ils charrets cun bavrondas e snacks vegnan stritgads d'ina vart l'offerta creschenta da mangiar e baiver a las staziuns e da l'autra vart è la dumonda sa reducida. Ils passagiers cumprian gia ordavant bavrondas e paunins e savens betg pli els trens, scriva la Viafier federala. Plinavant duai il concept da catering en ils trens vegnir adattà. Uschia vegn la purschida en ils chars d’emprima classa adattads, per part duai vegnir servì al plaz da seser per part duai la purschida d’autoservetsch vegnir augmentada. Quella duai alura remplazzar las minibars.

RR novitads 12:00