Svizra - La maioritad n’ha nagin problem cun in center d’asil
Ina maioritad da la populaziun svizra n'avess nagut cunter in center d'asil en la vischinanza. Quai demussa ina retschertga tar passa 1’200 persunas ch'è vegnida publitgada en la gasetta da la Svizra franzosa "L'Hebdo".
Abitants da citads grondas èn en quest grà in pau pli liberals ch'il rest da la populaziun. Sch'i va dentant per gidar requirents d'asil persunalmain lura divergeschan ils mainis. Bain èn 2 da 3 persunas prontas d'instruir ina lingua, dar dimora sut l'agen tetg fiss dentant mo mintga 5avla persuna pront da far.
