Siglir tar il cuntegn
cuntegn

Svizra La gruppa austriaca Doppelmayr/Garaventa surpiglia la Frey SA

Pertutgads èn 100 collavuraturs dil constructur da pendicularas Frey SA al lieu da producziun a Stans (NW). Co cha l'agentura da novitads svizra SDA rapporta, na dettia quai dentant naginas midadas per els.

Logo Garaventa SA
Legenda: L'interpresa Garaventa ha surpiglià ensemen cun ses partenari Doppelmayr la fatschenta Frey SA da Stans. Keystone

La Frey SA è vegnida surpigliada en connex cun la midada da successur da la Frey Holding SA, quai ha communitgà la fatschenta. Il pretsch da cumpra n’è betg dà enconuschent. La cumpra vala retroactivamain per il prim d’avrigl 2017.

RR actualitad 20:00

Doppelmayr/ Garaventa è ...

... ina gruppa cun sedia principala a Wolfurt (A). L’empraisa da pendicularas ha lieus da producziun en pli che 35 pajais. Enfin uss ha ella realisà 14’700 sistems da pendicularas per clients en 90 stadis. Dapi il 2002 è ella a la testa da la branscha da pendicularas en il mund, rapporta SRF.