Normalmain è la stagiun da gruppa a fin l’avrigl. Ma en tscherts chantuns sco en il Grischun ed il Tessin dettia quai novs cas da grippa. Quai communitgescha l’Uffizi federal da sanadad. La stagiun da grippa cumenza il schaner e saja suenter circa 10 emnas mintgamai a fin. Quest onn dura ella però gia 14 emnas. Quai saja extraordinari, scriva l’Uffizi vinavant.
Quest onn duas undas da grippa
Normalmain dettia quai mintgamai ina unda da grippa. Quest onn però hajan ins registrà duas undas da grippa. Ils malsauns hajan cunzunt da sbatter cun ina tuss resistenta per part hajan ils pazients era ina bronchitis che ha durà pliras emnas, ha ditg il medi da Puntraschigna Lüzza Campell a las medias.
RR novitads 09:00