Siglir tar il cuntegn
cuntegn

Svizra La dischoccupaziun sa sminuescha

Il matg è la quota da dischoccupaziun en il Grischun e la Svizra sa reducida. Uschia eran 200 persunas damain senza lavur il mais da matg en il Grischun. En l'entira Svizra eran il matg quasi 140'000 persunas annunziadas sco dischoccupadas.

Ina broschura che dat tips co far ina annunzia electronica.
Legenda: Ina broschura che dat tips co far ina annunzia electronica. Keystone

Per il chantun Grischun muntava la quota da dischoccupaziun il matg tar 1,8%, communitgescha l'Uffizi per industria, mastergn e lavur dal Grischun. Quai en cumparegliaziun cun l’avrigl ina sminuziun da passa 200 persunas uschia che stgars 2’000 persunas eran annunziadas senza lavur en il chantun Grischun.

Era en Svizra damain dischoccupads

En l'entira Svizra è la quota da dischoccupaziun sa reducida per 0,2 sin 3.1% cumpareglià cun il mais avant. Quai correspunda a bunamain 140milli dischoccupads, communitgescha il Secretariat da stadi per l’economia SECO.


Legenda:
Dumber da dischoccupads: Cliccar sin ils onns per activar e deactivar las lingias per cumparegliar la dischoccupaziun da differents onns Cifras da l'Uffizi d'industria, mastergn e lavur GR (2002-2018; stan 08-05-2018)

RR novitads 09:00