Siglir tar il cuntegn

Header

cuntegn

Svizra La differenza da paja tranter um e dunna è sa reducida levamain

Tenor l'evaluaziun da la structura da paja da l'Uffizi federal da statistica è la differenza da paja sa reducida da 12,5% il 2014 sin 12% il 2016.

En egl dat dentant che la differenza da paja è tar plazzas cun blera responsabladad in bun toc pli gronda che tar plazzas senza funcziun da cader. Insumma èsi uschia che cunzunt dunnas lavuran en secturs cun pajas bassas. Da l'autra vart dal spectrum, tar plazzas cun ina paja brutta da dapli che 16'000 francs, èn quellas occupadas per varga 80% dad umens.

Paja mediana da 6'502 francs

Grondas differenzas mussa l'evaluaziun era tranter ils differents secturs da l'economia. Cleramain sur la paja mediana da 6’502 francs brutto per mais èn las segiradas, la branscha da la telecommunicaziun ed informatica sco era las bancas e l’industria farmaceutica. Cleramain sut èn la producziun da textilias e vestgadira, il commerzi en detagl e la gastronomia e l’hotellaria.

Paja mediana

Avrir la box Serrar la box

La paja mediana è la paja da mez en ina gruppa da persunas cun activitad da gudogn retschertgada. Exact tuttina bleras persunas gudognan dapli respectiv pli pauc.

Cuntrari a la paja mediana, vegn la paja media quintada cun divider l'entira summa da paja tras il dumber da persunas. (Omaduas pajas vegnan mintgamai quintadas cun calcular las pajas sin pensums da 100%.)

RR novitads 12:00

Artitgels legids il pli savens