Siglir tar il cuntegn
cuntegn

Svizra La confederaziun sto strenscher la tschinta

En il proxim futur ha la confederaziun dapli difficultads da tegnair en il frain da daivets. A questa conclusiun vegn il directur da l'administraziun federala da finanzas, Serge Gaillard.

Tenor il directur da l'administraziun federala da finanzas, Serge Gaillard vegnan las finanzas federalas sut squitsch.
Legenda: Tenor il directur da l'administraziun federala da finanzas, Serge Gaillard vegnan las finanzas federalas sut squitsch. Keystone

Il svilup pli plaun da l'economia muntia per la confederaziun damain entradas da pliras milliardas francs, uschia Gaillard en la “Neue Zürcher Zeitung”. I cumenzia ina fasa da consolidaziun.

Pervi dal ferm franc svizzer quinta Gaillard cun ina reducziun da las entradas da radund 1,8 milliardas francs ils onns 2017 e 2018. Tenor il directur da finanzas na stoppian ins betg spargnar en dal tut questa summa. La chareschia pli bassa che spetgà portia levgiament ed il frain da debit permettia in deficit areguard la conjunctura pli flaivla.

RR novitads 9:00