Siglir tar il cuntegn

Header

cuntegn

Svizra La chareschia en Svizra crescha puspè

Cumpareglià cun il mais avant, èn ils pretschs per consuments creschids il matg per 0,4%.

L'index naziunal dals pretschs da consum ha cuntanschì il matg in nivel da 102,1 puncts. Sco l'Uffizi federal da statistica ha communitgà la mesemna, saja la chareschia creschida entaifer in onn per 1%.

Responsabel per l'augment dal matg da quest onn sajan surtut l'augment dals pretschs per products dad ieli mineral sco er per fritgs frestgs. Ils pretschs per medicaments sajan però sa sbassads, scriva l'Uffizi da statistica.

Ils pretschs per products indigens sajan s'auzads en cumparegliaziun cun il mais avant per 0,2% e cumpareglià cun avant in onn per 0,4%. Ils pretschs per imports èn percunter creschids per 0,8% cumpareglià cun il mais avant e per 2,7% cumpareglià cun l'onn avant.

RR novitads 10:00

Artitgels legids il pli savens