Siglir tar il cuntegn

Svizra La «bumba» a la staziun da Berna era in object d'art

L'object dubius che la polizia da Berna aveva fatg explodir la fin da november era in object d'art. Quai ha confermà la polizia chantunala da Berna envers la gasetta «Der Bund».

La staziun da Berna.
Legenda: La staziun da Berna era vegnida serrada pliras uras. Keystone

Tenor la gasetta «Der Bund» han students da la scola d'art applitgà da Bienna plazzà la pitschna figura d'arschiglia, filfier e plastica en il center da la citad da Berna. Els vulevan plazzar l'object d'art en il spazi public. L'object aveva sinaquai provocà ina gronda acziun da polizia ils 25 da november datiers da la staziun da Berna. La polizia aveva sco ultim pass fatg explodir la supponida «bumba».

RR novitads 12:00