Svizra - La «Bild» sto pajar 635’000 euros indemnisaziun a Kachelmann
La dretgira civila penala da Cologna ha sentenzià la gasetta tudestga «Bild» da pajar al moderatur svizzer Jörg Kachelmann la summa da record da 635’000 euros indemnisaziun. Quai han omaduas varts confermà.
«Signur Kachelmann ha stuì far atras la mendra campagna polemica ch'i ha dà insacura» ha ses advocat ditg. «Ses num è vegnì ruinà dal tuttafatg entras Bild & co. Quai è uss la quittanza persuenter».
Il concern Springer, al qual la gasetta Bild appartegn, aveva gia annunzià ordavant da far appellaziun al tribunal superiur en cas ch’i vegnia ad ina sentenzia.
