Siglir tar il cuntegn

Svizra La Banca naziunala resta tar sia politica monetara

La Banca naziunala svizra resta fidaivla a sia politica monetara ella lascha ils tschains negativs per dabuns sin 0,75 pertschient. Ella è optimistica che l’economia creschia var 1,5%.

La Banca naziunala a Berna.
Legenda: La Banca naziunala a Berna. Keystone

E per l'emprima giada fa la SNB ina prognosa per il svilup economic da l'onn che vegn. Ella saja levamain optimistica e quintia cun ina creschientscha da var 1,5% quai ha ditg il president da la banca Thomas Jordan. Ils economs d'autras instituziuns quintan cun ina creschientscha levamain pli flaivla en Svizra l'onn 2016.

La nova bancnota da 50 francs.
Legenda: La nova bancnota da 50 francs. Keystone

Nova bancnota da 50 francs

La nova bancnota svizra da 50 francs vegn messa en circulaziun ils 12 d'avrigl 2016. Las ulteriuras bancnotas vul la Banca naziunala svizra alura edir en in interval d'in mez fin in onn sco la SNB ha annunzià.

Preschentà las novas bancnotas aveva la Banca naziunala la primavaira passada.

RR novitads 12:00