Siglir tar il cuntegn

Header

Navigaziun

cuntegn

Svizra La AI en l'avegnir cun gudogns da milliardas

L'assicuranza d'invaliditad AI, ch'è ha 12 milliardas francs daivets, pudess gia realisar il 2045 avanzaments da milliardas, sco Radio SRF rapporta. Ils experts da la confederaziun quintan a lunga vista cun surpli d'entradas da pliras milliardas francs.

in medi guarda tiers ad in pazient co lez fa exercizis
Legenda: A lunga vista quinta l'AI cun surpli d'entradas da milliardas francs. Keystone

Dapi il 2012 bajegia l'assicuranza d'invaliditad giu ses culm da daivets. Grazia a las refurmas sa reducescha il dumber da rentiers novs da l'AI. Ils daivets sa reduceschan er grazia ad ina finanziaziun supplementara limitada: Contribuziuns da la taglia sin la plivalur e da la confederaziun gida da stuppar las foras.

Dapi il 2012 n'ha l'assicuranza perquai betg stuì tutgar en sia facultad. Il fonds ha ussa 5 milliardas francs. Fin l'onn 2045 posseda il fonds, tenor calculaziuns da la confederaziun, radund 66 milliardas francs. Quai di Carsten Colombier da l'administraziun da finanzas federala. Il plus sa laschia cunzunt declerar cun la 5avla revisiun da l'AI.

RR novitads 8:00