Siglir tar il cuntegn
cuntegn

Svizra L’Uniun svizra d’artisanadi e mastergn di gea a la «No Billag»

L’Uniun svizra d’artisanadi e mastergn è surtut cunter ina imposiziun da taglia dubla, quai scriva l’uniun. Interprendidras e interprendiders avessan da pajar duas giadas la taglia da medias sco persuna privata e sco possessur d’ina interpresa.

Billag
Legenda: L’Uniun svizra d’artisanadi e mastergn è surtut cunter ina imposiziun da taglia dubla. Keystone

Gia la decisiun da la Cussegl federal d’avant ina emna da sbassar a partir dal 2019 per tut las chasadas e per singulas interpresa las taxas obligatoricas per radio e televisiun sin 365 francs ad onn aveva l’uniun d’artisanadi e mastergn crititgà. Alura aveva l’uniun pretendì da relaschar la taxa per tut las interpresas.

Interpresas na taidlan betg radio e guardan era betg televisiun

Tenor l’uniun d’artisanadi na taidlan las interpresas betg radio tuttina ston ellas pajar ina taxa graduada tenor la svieuta. Ma pir a partir d’ina svieuta da 500’000 francs ad onn. La pli auta taxa per ina interpresa munta a 35’530 francs, scrivan las agenturas da novitads. Sur da l’iniziativa «No Billag» vegn il suveran svizzer a decider ils 4 da mars 2018.

Gie a la ordinaziun da finanzas 2021

Per la segunda fatschenta che vegn en votaziun ils 4 da mars recumonda l’Uniun svizra d’artessinadi e mastergn in gea. La fatschenta tracta la prolungaziun da la taglia directa federala e da la taglia sin la plivalur.


Legenda: Guardar il video "No-Billag" = "No-tv" / "No-radio" regiunal en il Grischun. Durada 01:13 minutas.
Or da Nouvo RTR dals 26.09.2017.

RR novitads 20:00