L’Uniun purila discurra d’ina situaziun che fa starment

L'Uniun purila svizra sa mussa preoccupada da la situaziun actuala en l'agricultura. La situaziun saja difficila, ha ditg Jacques Bourgeois, il president da l'Uniun purila, davant las medias a Berna.

In bain puril sin il Albis datiers da Turitg.

Legenda da maletgs: Tenor l’Uniun purila svizra mancan a blers manaschis purils ina nova generaziun. Keystone

Mintga terz possessur d'in manaschi puril sur 50 onn n'haja nagin successur, era perquai che las pussaivladads da gudagnar sajan cleramain meglras ordaifer l’agricultura.

La raschun principala per questa situaziun economica betg cuntentaivla sajan ils bass pretschs da producziun, uschia Bourgeois plinavant. E vitiers vegnian il ferm franc ed il turissem da cumpra.

Per meglierar la situaziun haja num reducir las pretensiuns envers l’agricultura, manegia l'Uniun purila svizra. Ina via per far frunt a la situaziun difficila saja lur «Iniziativa davart la segirezza alimentara».

RR Novitads 14:00