Siglir tar il cuntegn
Inhalt

Svizra L’Uniun d'impressaris svizzers renviescha refurma da rentas

L’Uniun d’impressaris svizzers renviescha la refurma da rentas che vegn en votaziun ils 24 da settember. Cun quest project na possian las rentas betg vegnir segiradas a moda durabla.

Il loga da l'Uniun dals impressaris svizzers.
Legenda: L'Uniun dals impressaris svizzers è cunter la refurma da vegliadetgna 2020. Keystone

Bain cuntegnia il provediment da vegliadetgna 2020 correcturas preziusas sco l'auzament da la vegliadetgna per dunnas e la reducziun da la tariffa da conversiun minimala. Ma tut en tut na reusseschia quai betg da metter il sistem da rentas sin in fundament finanzial solid, argumenteschan ils impressaris svizzers. Cunzunt l'auzament da la renta per 70 francs per novpensiunads disturba ils impressaris da construcziun.

Auzament da la vegliadetgna da renta per dunnas

Ils elements centrals da la refurma da vegliadetgna è l'augment da la vegliadetgna da rentas per las dunnas sin 65 onns. Alura da sbassar la tariffa da conversiun da 6,8% sin 6%, sco la finala l'auzament da la renta per novpensiunads per 70 francs. Finanziada vegn la refurma cun in auzament da la taglia sin la plivalur da 0,6%.

RR novitads 11:00