Avant l’inscunter spezial davart il Brexit ha il president dal cussegl da l’UE Donald Tusk appellà als Stadis commembers dad esser unids en las tractativas davart la sortida da la Gronda Britannia. Be sch’ils auters 27 pajais sajan unids, saja pussaivel da finir ils discurs cun Londra cun success, ha ditg Tusk a Brüssel. Uss è quai era grategià e Tusk è cuntent cun il resultat.
Ils schefs da stadi e regenza dals auters 27 pajais da l’UE vulan oz definir lur posiziun per las tractativas davart il brexit. La finamira dad approvar directivas per ils discurs davart la sortida da la Gronda Britannia da l’UE è reussida. Ils discurs vegnan a cuzzar var 2 onns.
RR novitads 12:00