L'ovra atomara da Leibstadt vegn tschentada giu per in pli lung temp. La raschun saja ruina vid ils elements d'arder ch'ins haja chattà durant la revisiun annuala, communitgescha l'ovra atomara en il chantun Argovia. Las proximas emnas vegnian remplazzads quests elements e parallel vegnia er gist chargià da nov il coc dal reactur. Il favrer 2017 possia l'ovra atomara probabel puspè vegnir messa en funcziun.
La stad era gia l'emprim bloc da l'ovra atomara da Beznau vegnì tschentà giu pervia da problems.
RR novitads 12:00