Siglir tar il cuntegn
Inhalt

Svizra L'onn proxim vessi dad ir ensi cun l’economia svizra

Il product naziunal brut vegn l'auter onn a crescher per 2,3%, quai prognostitgescha il Secretariat statal per economia (SECO). Fin ussa quintavan ils experts da la Confederaziun cun in augment da 2%.

In um lavura vid ina maschina.
Legenda: Era l'occupaziun duai crescher ils proxims onns, quintan ils experts dal SECO. Keystone

Era l’economia en Svizra vegnia a profitar dal schlantsch da l’economia mundiala prognostitgada per l'onn proxim. Quai surtut il commerzi cun l’exteriur ma era l’economia indigena. Uschia scrivan ils experts da la Confederaziun d’in ferm carschen sur la media dals ultims onns.

Actual carschen moderà

Per il davos quartal da quest onn quintan ils economs dal Secretariat statal per economia (SECO) cun in augment moderà dad 1%. Tuttina curregian els la prognosa dal settember per 0,1%.

Svilup fin il 2019

Per l’emprima giada ristgan ils experts da la Confederaziun da far ina prevista sin il 2019. Uschia quintan els cun in augment dal product naziunal brut dad 1,9%. Il SECO classifitgescha quest augment sco «solid». Surtut il commerzi cun l’exteriur sco era l’economia indigena vegnan a contribuir a quest augment. Era l’occupaziun vegnia a crescher e la dischoccupaziun a sa sminuir.

RR novitads 12:00