Siglir tar il cuntegn

Header

Navigaziun

In expert ollandais porta ina part dal vrac da l'aviun.
Legenda: In expert ollandais porta ina part dal vrac da l'aviun. Keystone
cuntegn

Svizra L'Ollanda vul sclerir la catastrofa dal sgol MH17

In tribunal da l'ONU duai persequitar e truar las persunas ch'han sajettà giu avant in onn in aviun da la societad aviatica Malaysia en l'ost da l'Ucraina. L’Ollanda vul s'engaschar persuenter.

La gronda part dals 298 passagiers ch'eran en l'aviun disgrazià derivava da l’Ollanda. Actualmain intercurescha ina squadra da l’Ollanda il cas. Er la Malaisia ha annunzià da vulair proponer al cussegl da segirtad da l'ONU in tal tribunal.

Causa è anc adina betg clera

La Boeing da las Malaysia Airlines (sgol MH17) era crudada giu sur in intschess controllà da rebels pro-russ. I vegn supponì che quels rebels hajan sajettà ina racheta d’origin russ sin l’aviun. La regenza russa percunter aveva inditgà ch’in aviun da cumbat da l’Ucraina saja responsabels per la catastrofa.

RR novitads 18:00