L'economia en Svizra na crescha betg avunda spert per augmentar las entradas per persuna. L'Organisaziun da cooperaziun e svilup economic en Europa (OECD) ha preschentà in'entira paletta da cussegls per la Svizra. Quels duain gidar da meglierar la productivitad da lavur che saja dapi onns debla.
Per exempel propona la OECD da promover start-ups innovativs u da procurar cun scolaziun per dapli spezialists per esser pront per la digitalisaziun. Era stoppia la Svizra procurar per bunas cundiziuns per savair cumbinar lavur e famiglia. Uschia savess la Svizra nizzegiar meglier ils potenzials da las dunnas.
RR novitads 18:00