Siglir tar il cuntegn
Inhalt

Svizra L'islam radical saja in privel per la segirtad

Il president da la Partida Populara Svizra Albert Rösti vesa en l'islam-radical in privel per la segirtad da la Svizra.

Albert Rösti, il president da la PPS durant ses pled a la radunanza da delegads a Frauenfeld.
Legenda: Albert Rösti, il president da la PPS durant ses pled a la radunanza da delegads a Frauenfeld. Keystone

A la radunanza generala da la PPS a Frauenfeld ha Rösti cumpareglià l'islam radical cun la bestia che veglia destruir nossa societad liberala. Qua dovria ina politica da nulla-toleranza. Tranter auter cun dapli controllas als cunfins, cun observar ils imams e cun limitar l'immigraziun Latiers tutga per la partida populara er la desditga dals contracts bilaterals cun l'Uniun europeica.

Plinavant vul la partida introducir la paina da praschun per viandants dal Djihad che turnan enavos en Svizra. Er il sustegn finanzial or da l'exteriur per l'islam en Svizra vul la PPS impedir.

RR novitads 14:00