Il Cussegl naziunal di «na» a l'iniziativa per il daner cumplain che vul che sulet la banca naziunala po stgaffir daners electronics. Quai saja in experiment privlus e betg necessari, argumentescha la maioritad en la chombra gronda. Er da la cuntraproposta na vul il Cussegl naziunal savair nagut.
Ordavant avevan gia il Cussegl dals chantuns ed il Cussegl federal refusà l'iniziativa che vul stabilisar il sistem da finanzas. Quai cun scumandar a bancas da stgaffir daners virtuals cun dar credits.
RR novitads 12:00
