Siglir tar il cuntegn

Header

cuntegn

Svizra L'iniziativa davart l'immigraziun da massa fatschenta puspè Berna

Il Cussegl dals chantuns ha cumenzà a sa cussegliar davart la realisaziun da l'iniziativa d'immigraziun da massa da la PPS. Decisiuns n'hai anc dà naginas.

Discutadas vegnan duas schliaziuns, omaduas prevesan privilegis per persunas indigenas che tschertgan ina plazza. Uschia vul il parlament a Berna limitar l’immigraziun. Blers dals oraturs han punctuà la difficultad da chattar ina schliaziun che na cuntrafa betg als novs artitgels da la constituziun, ch’è però er acceptabla per l'Uniun europeica.

audio
Mezdi: Cussegl dals chantuns è puspè vid l’iniziativa davart l’immigraziun da massa
ord Actualitad dals 30.11.2016.
laschar ir. Durada: 3 minutas 7 Secundas.

Il cusseglier da la PPS Peter Föhn ha pretendì da realisar l’iniziativa cun agid da contingents ed ina vaira preferenza per indigens. Per Hans Stöckli da la PS n’èsi betg pussaivel da controllar l'immigraziun, ed a medem temp da salvar la cunvegna davart la libra circulaziun da persunas.

La debatta cuntinuescha la gievgia, lura pon ins era spetgar emprimas decisiuns.

RR novitads 12:00

Artitgels legids il pli savens