Siglir tar il cuntegn

Header

Magazin emnil svizzer.
Legenda: L'Hebdo cumpara l'entschatta da favrer per l'ultima giada. Keystone
cuntegn

Svizra L'Hebdo serra las portas

Il magazin emnil da la Svizra franzosa cumpara ils 2 da favrer 2017 per la davosa giada. Quai ha communitgà la chasa editura Ringier.

Sco raschun principala numna la chasa editura la situaziun finanziala dal magazin che saja dapi onns deficitara. Plinavant sajan las perspectivas er negativas.

Uschia vegnan reducidas 37 plazzas. Ils meds che vegnan libers uschia duain vegnir investids per extender la gasetta dal di «Le Temps». Quai scriva Ringier en ina communicaziun.

L’Hebdo è in magazin emnil politic. El è cumparì l’emprima giada avant 36 onns. Cun 155'000 lecturs è L’Hebdo il magazin che vegn legì il pli stedi en la Svizra franzosa.

En la Svizra franzosa occupescha Ringier 212 persunas.

RR novitads 12:00