Duas da las trais petiziuns derivan ord la Sessiun dals giuvenils. Las petiziuns levan tranter auter stgaffir ina cumissiun independenta per l'export da material da guerra. La cumissiun vess gì da manar regularmain ina glista cun ils pajais nua ch'i na dastgia betg vegnir exportà material da guerra.
Plinavant pretendeva la Sessiun dals giuvenil ch'i vegnia be exportà en pajais che hajan mess en la pratica il contract dal commerzi cun armas (Arms Trade Treaty).
Parlament vegni gia discutà da schluccar vinavant tals exports
Firmas da l'armament veglian era exportar en pajais nua ch'i dettia in conflict armà. L'industria d'armament argumentescha che las reglas da la Svizra sajan pli restrictivas che quellas da la EU. Dapi l'onn 2014 esi scumandà d'exportar material da guerra, sch'il privel è grond ch'il material vegn duvrà per violar dretgs umans.
RR novitads 12:00