Siglir tar il cuntegn
Inhalt

Svizra L'economia svizra progredescha

L'economia svizra progredescha. Quai communitgescha il post da perscrutaziun da conjunctura da l'ETH da Turitg, KOF suenter avair fatg retschertgas tar 4'500 interpresas.

Purtret d'in cuschinier ch'è a la lavur en cuschina.
Legenda: En spezial cun la hotellaria vai puspè ensi. Keystone

Malgrà ina pitschna franada il mais da fanadur, saja la situaziun da fatschenta da las interpresas svizras anc adina buna. Avant era quella sa meglierada sis mais en roda. Uschia saja la greva situaziun da las interpresas svizras sa schluccada considerablamain dapi l'entschatta da l'onn.

Tranter las differentas branschas sa mussian dentant grondas differenzas. Gudagnar gudognia la hotellaria che possia sa calmar, uschia il KOF. Er tar il commerzi a l'engrossa saja la situaziun sa meglierada considerablamain.

In zic mender hajan gì ils secturs da bancas ed assicuranzas, sco era interpresas da servetschs. Ils detaglists hajan gì fadia da pudair ord lur situaziun mala, la situaziun saja dacurt puspè vegnida mendra.

RR novitads 12:00