L'economia svizra crescha pli fitg che spetgà

Il product naziunal brut real saja s'augmentà tenor il secretariat statal per l'economia (Seco), il segund quartal da quest onn per 0,6% – cumpareglià cun l'emprim quartal.

Munaida svizra sin ina maisa cun in quintader ed in culli.

Legenda da maletgs: L'economia svizra stat sin chommas fermas. Colourbox

Analists avevan quintà cun ina creschientscha da 0,2 fin 0,5%. Impuls hajan cunzunt dà il commerci cun l'exteriur ed il consum dal stadi. Il consum privat è entant stagnà.

Cumpareglià cun l'onn passà è il product naziunal brut real s'augmentà per 2 per tschient.

S'augmentà il pli ferm èn:

  • 1,7% expensas da consum dal stadi
  • 0,8% l'export da rauba

Sa regressà il pli ferm èn:

  • 0,9% custs d'equipamnet
  • 0,3% las investiziuns da bajegiar
  • 0,1% l'export da prestaziun da servetsch

La producziun è creschida sur ils blers secturs

  • 5,8% en il sectur d'energia
  • 2,5% en la gastronomia (era ils davos quartals en regress)
  • 2,0% en il sectur d'educaziun e scolaziun

RR novitads 08:00