L@ders han engulà 21’000 logins – attenziun!

En Svizra han nun-enconuschents engulà radund 21’000 log-ins e pleds clav per servetschs d'internet. Quai rapporta l'agentura da novitads svizra SDA.

Il post d'annunzia da la Confederaziun MELANI cusseglia perquai a tut ils utilisaders d'internet da controllar cun in test online sche l'atgna adressa da mail è er pertutgada. Quai sa vegnir fatg cun in test simpel en la rait sut la pagina da checktool.ch

A persunas pertutgadas vegn cusseglià da midar ils pleds-clav da tut ils contos tranter auter er da l'e-banking.

MELANI haja survegnì dad ina funtauna fidada radund 21’000 cumbinaziuns da datas d’access tar servetschs d’internet, ha il post d’annunzia communitgà sez. Questas datas sajan cleramain vegnidas enguladas e vegnissan malduvradas uss da nun-enconuschents per divers illegals. Nua che las datas èn vegnidas enguladas n'è betg enconuschent.

RR novitads 12:00