Siglir tar il cuntegn

Header

cuntegn

Svizra L'artist Hans Erni è mort

Il pictur artist e sculptur svizzer, Hans Erni, è mort. El è mort sonda en la vegliadetgna da 106 onns.

Sco quai che sia famiglia ha confermà envers 20minuten.ch, saja el sa durmentà quiet en la clinica Hirslanden St. Anna a Lucerna. Erni è fin la fin stà activ artisticamain. Vegnì enconuschent era Hans Erni cun ses maletg da paraid monumental ch'el aveva fatg sin incumbensa per l'exposiziun naziunala l'onn 1939.

In artist impurtant

Cun Hans Erni perdia la Svizra in artist impurtant che haja vivì il 20avel tschientaner e s'inscuntrà cun ils pli gronds artists, quai ha communitgà il minister da cultura federal, Alain Berset. Erni haja adina mess ses art en servetsch da sia persvasiun politica, uschia Berset.

Era la regenza da la citad sco era dal chantun Lucerna han onurà l'ovra dad Erni. Il directur dal Museum svizzer da transports, Martin Bütikkofer, ha ditg che la mort dad Erni saja ina gronda sperdita. Erni haja marcà la mobilitad intellectuala. Cun ses museum haja el carmalà blera glieud en la chasa da traffic.

RR novitads 14:00

audio
RR novitads: Necrolog per Hans Erni
ord Actualitad dals 21.03.2015.
laschar ir. Durada: 1 minuta 13 Secundas.

Artitgels legids il pli savens