L'anteriur schef da l'Uffizi federal da polizia (fedpol) è mort la gievgia en la vegliadetgna da 60 onns. Sco sia famiglia rapporta è Vez mort d'ina attatga dal cor. Ils davos quatter onns è Jean-Luc Vez stà engaschà sco schef da segirezza dal WEF a Tavau.
14 onns manader da Fedpol
Avant ha el lavurà 27 onns tar la Confederaziun. Tranter 2000 e 2014 è el stà schef da l'Uffizi federal da polizia. En quest temp haja el sviluppà vinavant il fedpol, ha il Departament federal da giustia e polizia scrit cura che Vez ha fatg la midada tar il WEF.
RR novitads 12:00