Siglir tar il cuntegn

Svizra L'Agid svizzer als fugitivs pretenda dapli transparenza

Sco quai che l'organisaziun declera, veglian els cunzunt savair tenor tge basa legala ch'ils corps da guardias da cunfin tramettian enavos fugitivs al cunfin talian.

Ina gruppa da fugitivs ch'èn sa cuvris cun cuvertas.
Legenda: Fugitivs che dorman per il mument a la staziun da Como. Keystone

Da las praticas dals corps da guardias da cunfin dettia per il mument blers rapports cuntradictorics. Per quest motiv pretenda l'organisaziun da l'Agid svizzer als fugitivs dapli transparenza da las autoritads svizras, spezialmain da la basa legala, sin la quala ils corps sa basian. Quai en vista als numerus fugitivs bloccads en la citad da cunfin taliana da Como. Tenor il cussegl federal correspundia la pratica envers requirents d’asil al cunfin a la lescha.

La situaziun actuala a Como

Enturn la staziun da Como bivacheschan actualmain radund 600 fugitivs. La citad da Como planisescha entant albierts provisorics datiers da la staziun. Ina pledadra da la citad da Como admonescha che la situaziun per ils fugitivs possia vegnir anc mendra a partir dal settember.

RR novitads 07:00