Siglir tar il cuntegn

Header

cuntegn

Svizra L'accident mortal a Valzeina saja stà in accident

Il november avant in onn era in requirent d'asil crudà datiers dal center d'asil a Valzeina giu d'ina paraid-crap ed era morts. Uss è la procura publica dal Grischun vegnida tar la conclusiun ch'i saja stà in accident.

Tochen uss n'era il motiv per mort dal requirent d'asil betg cler. Uss dentant ha la procura publica dal Grischun confermà envers il schurnal regiunal da SRF che la crudada saja stada in accident – ins n'haja betg pudì constatar in'influenza tras ina terza persuna. Plinavant ha il procuratur public, Franco Passini ditg ch'ins haja gia serrà las inquisiziuns il zercladur.

Sco la procura publica scriva en in rapport haja il requirent d'asil blessà in auter abitant dal center, curt avant l'accident. Sinaquai saja quel scappà tar il punct panoramic Flüeli ch'è sur ina paraid-crap. Ils manaders dal center hajan infurmà la polizia, dus policist sajan ids al lieu. Cura ch'els han vulì quietar il giuven, saja quel sa glischnà e crudà 200 meters en la profunditad. La Rega haja mo pli pudì constatar la mort.

RR novitads 17:00

Artitgels legids il pli savens