Siglir tar il cuntegn
Inhalt

Svizra L’abunament general mida da blau sin cotschen

Davent dal 1. d'avust survegnan tut ils clients da l'SBB che cumpran in abunament general u in abunament da mesa taxa ina carta da chip cotschna cun il num «SwissPass».

In muster da la nova carta per il traffic public «SwissPass».
Legenda: In muster da la nova carta per il traffic public «SwissPass». Keystone

Questa carta cotschna remplazza la carta blaua da fin d’ussa. Tenor l'SBB è quest «SwissPass» valaivel en l'entira Svizra, tut las interpresas da transport sa participeschan. En in emprim pass cuntegn la nova carta l'abunament general e l’abunament da mesa taxa.

La Viafier Retica era da la partida

Davent da l’onn 2016 èsi alura pussaivel, d’integrar ulteriurs abunaments regiunals. Sin il pli baud la fin dal 2016 remplazza il «SwissPass» lura er il «büga», l’abunament general grischun. Quai ha ditg Simon Rageth da la Viafier Retica sin dumonda da Radiotelevisiun Svizra Rumantscha.

Carta era pronta per territoris da skis

Gia davent dal cumenzament dal 2016 fan part dal «SwissPass» la rait dal traffic public dal chantun Turitg. Sper quai pon ins lura era chargiar chartas dal di da territoris da skis sin il chip electronic dal «SwissPass».

RR Novitads 18:00