Siglir tar il cuntegn

Header

cuntegn

Svizra L'aboliziun dal curs minimal turbla la luna

L’aboliziun dal curs minimal da l’euro influenzescha las interpresas svizras a moda durabla. Quai mussa l’indicatur da conjunctura dal KOF da l’ETH Turitg. Sco gia il matg valiteschan las interpresas lur situaziun da fatschenta anc adina sco greva.

L'economia svizra n'haja anc betg digerì il schoc dal franc scriva il post per la perscrutaziun da la conjunctura KOF da la scola politecnica da Turitg. Ella haja dentant almain chattà l'equiliber.

Svilups cuntracurrents

Davos quest equiliber stettian dus svilups cuntracurrents scriva il KOF. D'ina vart giaja in zic ensi cun il commerzi en detagl, la gastronomia, la construcziun e l'industria elavuranta. Da l'autra vart sa turblia la situaziun per biros da projectaziun ed interpresas da servetschs.

Sulet en la branscha da finanzas saja la situaziun sa megliurada en cumparegliaziun cun avant l’aboliziun dal curs minimal.

RR novitads 11:00

Artitgels legids il pli savens