Siglir tar il cuntegn

Svizra Kuoni stritga 55 plazzas en Svizra

Pertutgadas èn las duas spartas da «Touroperating» e «Marketing». Ellas vegnan dischloccadas en la Germania.

Sedia da Kuoni.
Legenda: Il concern stritga bunamain 5% da tut las plazzas en il pajais. Keystone

L’organisatur da viadis Kuoni stritga 55 plazzas en Svizra. In pledader da Kuoni ha confermà in rapport correspundent dal magazin da branscha «Travel Inside». La fasa da consultaziun saja terminada.

Pertutgadas da questa mesira sajan las spartas da «Touroperating» e da «Marketing». Omaduas spartas vegnian dischlocadas en la Germania.

Tut en tut occupescha Kuoni passa 1’200 persunas en Svizra. L’onn passà ha il concern turistic tudestg «Rewe» cumprà da Kuoni la fatschenta da viadis en l’Europa.

RR novitads 20:00