Siglir tar il cuntegn
Inhalt

Svizra Kuoni perda

Sco spetgà dals experts suenter la vendita dal segment da viadi, ha il concern da viadi Kuoni fatg ina perdita en l’emprima mesadad dal onn da passa 172 milliuns francs. Cun in gudogn da 5,9 milliuns francs ha Kuoni dentant era betg pudì crescher en las activitads che l’interpresa ha cuntinuà.

duas dunnas miran en in catalog da Kuoni
Legenda: Sulet la fatschenta da visa marscha il mument bain tar Kuoni. Keystone

Kuoni numna 3 motivs per la sminuiziun: ord motivs da marketing ha Kuoni tegnì bass ils pretschs tar las pernottaziuns, custs pli auts da persunal ed investiziuns en il sistem da IT.

Fatschenta da visa marscha bain

En la fatschenta da viadis da gruppas ha Kuoni pattì da la pli pitschna dumonda ord il Giapun e dal ferm franc svizzer. En questa sparta è la svieuta sa reducida per 12% sin 502,3 milliuns francs. Ch'il concern na scriva tuttina naginas cifras cotschnas po el engraziar a la fatschenta da visa. Là è la svieuta s'augmentada per 24% sin 158,1 milliuns francs. Il gudogn da fatschenta è uschia s'augmentà per 53% sin 32,6 milliuns francs.

RR novitads 08:00