Siglir tar il cuntegn
Inhalt

Svizra Kreuzlingen: Nagin maltractament da requirents d'asil

Il center d'asil da Kreuzlingen e la firma da segirezza engaschada là èn libers da las renfatschas cunter els. Quai mussa in rapport dal secretariat da stadi per migraziun SEM.

il bajetg
Legenda: En il center da recepziun a Kreuzlingen n'haja quai dà nagina violenza sistematica cunter requirents d'asil; i dat però propostas per optimar. Keystone

I na dettia nagins indizis per maltractaement da requirents d'asil en il center d'asil da Kreuzlingen. Uschia èn ils responsabels dal center e la firma da segirezza libers da las renfatschas. Quai mussa in rapport dal secretariat da stadi per migraziun SEM.

Tenor l'anteriur derschader federal Michel Féraud ch'ha intercurì il cas na dettia nagins indizis ch'ils requirents d'asil sajan vegnids maltractads. Il rapport cuntegna però mesiras per optimar proceduras internas en il center.

michel féraud
Legenda: L'anteriur derschader federal Michel Féraud tar las explicaziuns en la conferenza da medias. Keystone

En tut ha Féraud intercurì 8 cas concrets da renfatschas da violenza:

  • En 3 cas haja il persunal dal center stuì agir fisicamain, perquai ch'il requirent d'asil saja sa cumportà da moda agressiva.
  • En 1 cas saja ina procedura anc pendenta.
  • En 5 cas n'è la renfatscha da violenza betg sa verifitgada.

Renfatschas da schurnalist da la «Sonntagszeitung»

Il schaner 2016 onn aveva la «Sonntagszeitung» publitgà renfatschas che requirents d'asil vegnian maltractads sistematicamain e che terrorists e marcadants da drogas vegnian en ils center. Tut las renfatschas sajan malconsistentas e betg fundadas. Las renfatschas sa basavan sin impressiuns d'in schurnalist tudestg ch'era sa dà per in requirent d'asil e stà en il center d'asil a Kreuzlingen.

RR novitads 15:00