Siglir tar il cuntegn
Inhalt

Svizra Konrad Langhart è nov president da PPS Turitg

La PPS dal chantun da Turitg ha elegì in nov president. L’elecziun è stada stretga ed ha duvrà dus scrutinis. La finala ha Konrad Langhart survegnì las bleras vuschs e presidiescha uschia da nov la partida chantunala.

Konrad Langhart traglischa suenter si'elecziun sco nov president da la PPS dal chantun da Turitg.
Legenda: Konrad Langhart traglischa suenter si'elecziun sco nov president da la PPS dal chantun da Turitg. Keystone

Il nov president da la Partida populara dal chantun Turitg sa numna Konrad Langhart.

Battì il concurrent Zanetti

Il pur da 52 onns è vegnì elegì a la radunanza da delegads ed ha fatg la cursa cunter il cusseglier naziunal Claudio Zanetti. Langhart ha survegnì 224 vuschs, Zanetti 174. Nagina schanza ha gì il candidat Hans-Peter Amrein. El era sa retratg suenter l’emprim scrutini.

Konrad Langhard sesa dapi il 2011 en il parlament dal chantun Turitg e fa part da la suprastanza da l'uniun purila chantunala.

Cleras finamiras

Sco president da la PPS Turitg vul Langhart s'engaschar per las interpresas pitschnas e mesaunas. Ed il nov parsura ha cleras finamiras per l'avegnir da sia partida.

La finamira: Suenter las elecziuns dal 2023 duai la partida chantunala avair 60 deputads, trais cussegliers guvernativs e 14 cussegliers naziunals. Plinavant duai la partida turitgaisa reconquistar il sez en il cussegl dals chantuns.

RR novitads 06:00