Il producent da maschinas Komax reducescha en sia filiala a La Chaux-de-Fonds il dumber da collavuraturs per in terz. Pervi da la situaziun da fatschenta difficila relascha Komax 40 da 150 collavuraturs sco l'interpresa scriva.
Raschuns sajan il ferm franc svizzer ed empustaziuns che sa retardeschian. Il producent da maschinas svizzer ha en l'entir mund var 1'500 collavuraturs en passa 60 pajais. L'onn passà era la svieuta dal concern creschida per passa 11% sin 360 milliuns francs.
