Siglir tar il cuntegn

Svizra KEYSTONE-SDA: Ord duas vegn ina

L'agentura da novitads SDA e l'agentura da maletgs Keystone pon fusiunar sco planisà. La cumissiun da concurrenza ha tenor atgnas indicaziuns naginas resalvas envers la fusiun.

Jann Jenatsch, Hans Heinrich Coninx, Markus Schwab.
Legenda: La fusiun na pericliteschia betg la concurrenza. Keystone

La fusiun da las dus agenturas SDA e Keyston ha survegnì glisch verda da la cumissiun da concurrenza (WEKO). Ina fusiun da l'agentura da novitads e da l'agentura da maletgs na saja ord motivs da la concurrenza nagin problem. L'analisa da las posiziuns en la fiera haja mussà ch'ins fusiun na vegnia betg a procurar grondas midadas sin las fieras relevantas, uschia la WEKO.

300 persunas e 50 miliuns

La fusiun che las dus agenturas avevan annunzià l'october 2017 po damai succeder sco planisà. L'agentura fusiunada duai avair success sut il num KEYSTONE-SDA. Ins quinta che la nova societad possia engaschar 300 persunas e far ina svieuta annuala da 50 milliuns francs.

RR novitads 06:00