Siglir tar il cuntegn
cuntegn

Svizra Karl-Heinz Kipp è mort

L'interprendider e possessur da plirs hotels en il Grischun, Karl-Heinz Kipp, è mort en la vegliadetgna da 93 onns. Quai è da leger en l'annunzia da mort.

Karl-Heinz Kip.
Legenda: Karl-Heinz Kipp è mort ils 11 d’october ad Ascona. Keystone

L'onn 1980 ha Kipp cumprà l'hotel da tschintg stailas Tschuggen Grand Hotel ad Arosa. Ultra da quai ha el mess en urden il Sporthotel «Valsana». L'onn 1989 ha el lura cumprà l'Eden Roc ad Ascona cun medemamain tschintg stailas. En quests ed ulteriurs hotels en Svizra ha l'um da fatschenta investì aifer var 35 onns passa 300 milliuns francs.

Kipp amava la Svizra

Oriund era Karl-Heinz Kipp da la Germania, el era burgais d'onur da sia citad natala Alzey en Rheinland-Pfalz. Ils onns 60 fin 80 ha el gì grond success cun butias grondas. Silsuenter ha el laschà vi ils bajetgs da las butias al concern Metro da Zug per in bi daner. Karl-Heinz Kipp e sia dunna Hannelore eran burgais dad Arosa ed avevan uschia er il pass svizzer.

RR novitads 10:00