Il directur da polizia e militar dal chantun Berna, Hans-Jürg Käser retira las ordinaziuns, cun las qualas el vuleva sfurzar 5 vischnancas da prender si fugitivs en implants da protecziun civila. Quai ha el communitgà oz en il cussegl grond.
Las ordinaziuns aveva el relaschà l'entschatta da fanadur. La vischnancas avevan purtà plant avant la dretgira administrativa. Il chantun saja pront per in nov cumenzament colleghial cun las vischnancas. Sco cuntramesira spetga el che tut las vischnancas bernaisas sa gidian solidaricamain e porschian propi era pussaivladads da dar suttetg sin lur territori.
