Il concern svizzer per tecnica da segirezza KABA vul fusiunar cun il concern tudestg Dorma. Cun la maridaglia duai quai dar in'interpresa che tutga cun radund 2,2 milliardas francs svieuta tar il numer 3 dal mund en la branscha.
Quai communitgeschan las duas firmas. Sur ils proxims 4 onns prenda l’interpresa fusiunada en mira in augment da svieuta da 6 fin 7 % per onn en valurs localas. Schef da la nova firma duai daventar il CEO da Kaba, Riet Cadonau.
La fusiun sto però anc vegnir approvada dals acziunaris da la Kaba. Dorma sa chatta en il possess da la famiglia Mankel/Brecht-Bergen.
