Siglir tar il cuntegn
cuntegn

Svizra Jürg Stahl dal chantun Turitg è il pli aut Svizzer

Il politicher da la PPS turitgaisa Jürg Stahl è dapi oz il pli aut Svizzer. Il Cussegl naziunal ha elegì il politicher da 48 onns sco nov president, cun 157 da 172 vuschs valaivlas.

Il vicepresident Dominique de Buman (sanester) ed il president dal Cussegl naziunal Jürg Stahl (dretg).
Legenda: Il vicepresident Dominique de Buman (sanester) ed il president dal Cussegl naziunal Jürg Stahl (dretg). Keystone

Stahl che sesa dapi il 1999 en il parlament e Berna succeda cunquai a Christa Marktwalder da la PLD. Fin tar la sessiun d'enviern da l'auter onn maina uschia Stahl las sesidas dal Cussegl naziunal. El è plinavant responsabel per las planisaziun da las sessiuns. Jürg Stahl è gia venderdi passà vegni elegì sco president da Swiss Olimpic.

Nov vicepresident dal Cussegl naziunal daventa Dominique de Buman (FR) da la PCD.

Ivo Bischofberger (PCD/AI) durant la seramentaziun sco president dal Cussegl dals chantuns.
Legenda: Ivo Bischofberger (PCD/AI) durant la seramentaziun sco president dal Cussegl dals chantuns. Keystone

Ivo Bischofberger nov president dal Cussegl dals chantuns

Il politicher dal chantun Appenzell Dadens da la partida cristiandemocratica suregn 43 da las 43 vuschs valaivlas. L’um da 58 onns sesa dapi il 2007 en il Cussegl dals chantuns. Avant aveva el presidià 16 onns la dretgira chantunala.

RR novitads 16:00+