Siglir tar il cuntegn

Svizra Jornod resta president dal cussegl d'administraziun da la NZZ

Ils acziunaris da la Neue Zürcher Zeitung han reelegì Etienne Jornod sco president dal cussegl d'administraziun, quai malgrà la critica massiva envers sia administraziun d'uffizi.

Dunna legia la gasetta NZZ
Legenda: Dapi il november regia malruaus tar la NZZ. Keystone

Ina gruppa d'acziunaris aveva fatg la dumonda da na betg pli eleger Jornod. Quai communitgescha la NZZ via Twitter. La direcziun n'haja betg avunda savida editoriala e publicistica eri vegnì crititgà.

Propaganda cunter Jornod

Avant la radunanza generala da la «Neue Zürcher Zeitung» han anteriurs commembers da la redacziun appellà als acziunaris da betg reeleger il president dal cussegl d'administraziun ed il CEO dal concern. Sin ils fegls sgulants ch'èn vegnids repartids avant la chasa da congress a Turitg è vegn rinfatschà a la direcziun d'avair manà la NZZ en la crisa cun prender ristgs che na sajan betg da responsar.

Tar la NZZ regia dapi il november passà malruaus suenter ch'i era vegnì enconuschent che la stampa a Schlieren vegnia serrada. 125 lavurers perdan uschia lur plazza.

RR novitads 12:0/14:00