Siglir tar il cuntegn

Svizra joiz TV serra sias portas

L'emettur da televisiun svizzer per giuvenils joiz vegn serrà. Il cussegl adminstrativ ha deponì las bilantschas da las duas firmas svizras "joiz Schweiz AG" e "joiz IP AG".

joiz
Legenda: Sto serrar sias portas: l'emettur da televisiun joiz Keystone

Las bilantschas èn deponidas tar la dretgira da concurs a Turitg. Las duas firmas èn deficitaras. Dal concurs èn 75 collavuraturas e collavuraturs pertutgads. Il management tschertga soluziuns per pudair vender la plattafurma digitala "joiz Global". La plattafurma è vegnida licenziada cun success ils davos mais en Germania, Ollanda, Russia ed USA.

Vinavant ad exister vegn joiz Germany. En Germania hajan ins chattà in acziunari principal che mainia vinavant l'emettur, communitgescha la firma.